• Aguest ei dejà eth darrèr pas entà modificar era disposicion addicionau dera Lei 8/2022 sus er emplec e aprenedissatge des lengües oficiaus en ensenhament non universitari, qu’eliminaue eth caractèr de lengua veïculara der aranés ena escòla, e assegurar juridicaments era veïcularitat dera lengua pròpria d’Aran en nòste territòri, a trauès dera Iniciativa Legislativa presentada en noveme der an passat per part deth Conselh Generau d’Aran

Deman dimèrcles, 19 d’abriu, entàs 12:00 ores, era sindica d’Aran, Maria Vergés, intervierà en Plen deth Parlament de Catalunya abans dera votacion tà modificar era disposicion addicionau dera Lei 8/2022, deth 9 de junh, sus er emplec e aprenedissatge des lengües oficiaus en ensenhament non universitari, e assegurar juridicaments atau eth caractèr de lengua veïculara der aranés ena escòla.

Era iniciativa legislativa presentada en noveme de 2022 peth Conselh Generau d’Aran superèc eth passat 25 de gèr eth tramit deth debat ara totalitat a on se refusèren es esmenes presentades per Vox e eth grop mixt.

Aguesta intervencion e eth debat e votacion posterior poderà seguir-se en dirècte a trauès dera web deth Parlament.