• Era compareishença, qu’enguan nauaments s’amiarà a tèrme en madeish Plen dera cramba catalana, balhe compliment ad aquerò que mandate era Lei de Regim Especiau dera Val d’Aran en tot impulsar eth debat sus era situacion der autogovèrn aranés e se poderà seguir en dirècte per Lleida TV, atau coma peth canal Parlament.

 Eth pròplèu 28 de noveme eth Plen deth Parlament de Catalunya acuelherà era compareishença dera sindica d’Aran que s’emmèrque en aquerò que mandate er article 80 dera Lei de Regim Especiau dera Val d’Aran e que ditz que, aumens un còp ar an, s’a de celebrar un debat sus era situacion d’Aran e eth desvolopament deth sòn autogovèrn e qu’aguest s’a d’iniciar damb ua exposicion dera sindicatura d’Aran.

Er acte se poirà seguir en dirècte a trauès deth programa especiau emetut per Lleida TV, atau coma a trauès dera web deth Parlament.

Vielha, 20 de noveme de  2024