Era sindica d’Aran demane ath president dera Generalitat qu’er “Acòrd de Claretat” respècte era singularitat e institucions araneses

Era sindica d’Aran a hèt a arribar ua carta ath president dera Generalitat de Catalunya entà reclamar qu’eth govèrn catalan age en compde e respècte es institucions araneses, era volentat des aranesi e eth marc competenciau e de desvolopamet institucionau d’Aran en tot eth procès de desvolopament der “Acòrd de Claretat”.
Eth passat 19 d’abriu era sindica d’Aran s’amassèc damb eth president Aragonés en Parlament de Catalunya damb qui, ath delà d’aguesta qüestion, tractèc sus diuèrsi ahèrs coma dera evolucion dera negociacion deth nau modèl de finançament d’Aran .
Era carta soslinhe era importància capdau qu’a eth respècte as leis e ar ordenament juridic vigent, coma garantia de mantenement des drets des pòbles e dera ciutadania, atau coma eth besonh de qu’Aran, coma territòri autonòm, a d’auer era sua pròpria agenda politica e es aranesi e araneses son es qu’auàn de decidir, quin e com serà eth sòn futur se’n bèth moment i a un cambi ena configuracion der Estat.

Era sindica d’Aran, Maria Vergés, s’a adreçat per carta ath president dera Generalitat de Catalunya, Pere Aragonès, entà hèr-li arribar era demana formau de qu’er executiu catalan age en compde e respècte es institucions araneses, era volentat des aranesi e eth marc competenciau e de desvolopament institucionau dera Val d’Aran, reconeishut ena Lei de Regim Especiau dera Val d’Aran, en tot eth procès de desvolopament der “Acòrd de Claretat” qu’era Generalitat vò iniciar a trauès d’un grop d’expèrts.

Pendent era amassada que mantengueren era sindica d’Aran e eth president dera Generalitat eth passat 19 d’abriu en Parlament de Catalunya, era sindica dejà li auancèc era intencion de hèr-li arribar aguesta demana pera via formau, en tot insitir en qu’Aran, coma territòri autonòm, a d’auer era sua pròpria agenda politica e es aranesi e araneses son es qu’auàn de decidir, quin e com serà eth sòn futur se’n bèth moment i a un cambi ena configuracion der Estat.

Atau madeish, ena sua carta, era sindica d’Aran soslinhe era importància capdau qu’a eth respècte as leis e ar ordenament juridic vigent, coma garantia de mantenement des drets des pòbles e dera ciutadania.

Eth passat 19 d’abriu era sindica d’Aran s’amassèc damb eth president Aragonés en Parlament de Catalunya damb qui, ath delà d’aguesta qüestion, tractèc sus diuèrsi ahèrs coma dera evolucion dera negociacion deth nau modèl de finançament d’Aran .