• Pendent era amassada, ena que tanben a participat eth Secretari Generau dera UGT des Tèrres de Lleida e d’auti representants deth sindicat, s’an trasladat peticions e preocupacions deth sindicat de trebalhadors ara maxima institucion deth territòri.

Aguest matin s’a amiat a tèrme era reunion entre era sindica d’Aran, Maria Vergés, eth Secretari Generau dera UGT en Catalunya, Camil Ros, e eth Secretari Generau dera UGT enes Terres de Llieda, Josep Lluís Aguilà, a on s’an tractat temes d’interès entara Val d’Aran coma era repercusion laborau generada pera pandemia deth COVID-19, eth contèxte vigent en que se tròbe era viuenda en Aran, atau com era actuau situacion economica que trauessam a nivèu nacionau.

Atau madeish, tanben an valorat era situacion dera lengua pròpria d’Aran e an coincidit en besonh d’impulsar politiques que n’asseguren era su perviuença, en tot garantir eth lideratge dera maxima institucion aranesa, quauquarren que compde damb eth supòrt deth sindicat, atau e coma a manifestat eth sòn Secretari Generau en Catalunya ena atencion as mieis de comunicacion.

Un còp finalizada aguesta amassada, es representats dera secretaria generau dera UGT an rebut as membres deth sindicat de trebalhadors dera sedença deth Conselh Generau d’Aran, en tot establir ua comunicacion bidireccionau orientada a escotar des demanes des trabalhadors.

Vielha, 5 de junhsèga de 2022