Imatge: Ajuntament de Lleida

• Aguesta trobada s’enmèrque laguens dera ronda de contactes institucionaus qu’era sindica d’Aran ven de mantier entà dar a conéisher era singularitat d’Aran e establir vies de collaboracion institucionau

Era sindica d’Aran, Maria Vergés, s’a amassat aguest meddia damb er alcalde de Lleida, Fèlix Larrosa, ua amassada que respon ara volontat deth govèrn d’Aran d’establir laci de collaboracion entre institucions e visibilizar era realitat e singularitat aranesa.

“Lleida ei era prumèra ciutat de referéncia qu’a era ciutadania aranesa e tath govèrn d’Aran ei important mantier-i ua bona relacion que mos permete tanben collaborar en rèptes comuns coma era problematica dera viuenda, es comunicacions o era fixacion de professionaus en territòri” manifestaue era sindica d’Aran.

Entre es ahèrs tractadi, an parlat sus era problematica actuau dera viuenda, er impuls dera innovacion e retencion deth talent e era agenda N-230 que se desvolope per part deth Ministèri de Transpòrts e qu’a de comportar ua melhora ena seguretat d’aguesta carretèra

Era sindica d’Aran a volut arregraïr “era atencion e predisposicion mostrada per alcalde Larrosa entà daurir dialòg e dinamiques entre andús territòris”.