• Ena trobada s’a tractat d’ahèrs coma eth desplegament deth trapàs competenciau en matèria de gestion d’Emergéncies, especiauments en Proteccion Civila e Prevencion, e tanben eth tractament de totes aqueres qüestions qu’an a veir damb era igualtat d’oportunitats e era possibilitat d’omologacion, autant deth còs de Pompièrs d’Aran coma des agents de Miei Ambient deth Conselh Generau, respècte des sòns omològs dera Generalitat de Catalunya.

Ager pera tarde auec lòc, ena sedença deth Departament d’Interior e Seguretat Publica dera Generalitat de Catalunya, era trobada institucionau entre era sindica d’Aran, Maria Vergés, e era conselhèra d’Interior e Seguretat Publica, Núria Parlón, ena que tanben i prenie part eth major des Pompièrs e Emergéncies d’Aran, Manel Bosch, e eth director Generau de Prevencion e Extincion d’Incendis e Sauvament dera Generalitat, Joan Delort.

Ena amassada, era sindica d’Aran li hec a arribar ara conselhèra eth besonh de hèr ua avaloracion des prumèri dus ans deth desplegament dera competéncia en gestion d’Emergéncies en Aran, e tanben eth d’abordar eth desplegament en encastre de Proteccion Civila e prevencion qu’encara cau desplegar.

En aguest sens, es dues parts an convengut crear ua comission mixta de seguiment d’aguest traspàs que permete resòlver qüestions qu’an a veir damb era aquisicion de veïculs, materiau e recorsi tecnics, era actualizacion deth finançament apropiat tath desvolopament dera competéncia e era formacion des professionaus, entre d’autes qüestions.

Atau madeish, aguesta comission a de poder desvolopar es trabalhs entath corrècte desplegament deth traspàs competenciau en matèria de proteccion civila e prevencion, qüestion prioritària entath Govèrn d’Aran entà poder balhar responsa as besonhs, non sonque ara rèsta d’administracions araneses, senon tanben ara pròpia ciutadania.

Era amassada tanben a servit entà méter de manifèst eth besonh de trobar vies que permeten qu’es profesionaus d’emergéncies dera Val d’Aran, atau com deth còs d’Agents gent de Miei Ambient deth Conselh Generau d’Aran, poguen desvolopar es sues foncions en condicions equiparables ara des sòns omològs dera Generalitat, quauquarren que tara sindica d’Aran “ei important resòlver, maugrat qu’èm conscients dera sua complexitat, entà evitar qu’es nòsti professionaus d’aguesti dus còssi se trapen en inferioritat de condicions as dera rèsta de Catalonha”, e higie que “tath Govèrn d’Aran ei indispensable trobar es formules que mos permeten consolidar eth nòste sistèma d’emergéncies que sigue útil tà tota era ciutadanetat aranesa”.

Ager pera tarde auec lòc, ena sedença deth Departament d’Interior e Seguretat Publica dera Generalitat de Catalunya, era trobada institucionau entre era sindica d’Aran, Maria Vergés, e era conselhèra d’Interior e Seguretat Publica, Núria Parlón, ena que tanben i prenie part eth major des Pompièrs e Emergéncies d’Aran, Manel Bosch, e eth director Generau de Prevencion e Extincion d’Incendis e Sauvament dera Generalitat, Joan Delort.

Ena amassada, era sindica d’Aran li hec a arribar ara conselhèra eth besonh de hèr ua avaloracion des prumèri dus ans deth desplegament dera competéncia en gestion d’Emergéncies en Aran, e tanben eth d’abordar eth desplegament en encastre de Proteccion Civila e prevencion qu’encara cau desplegar.

En aguest sens, es dues parts an convengut crear ua comission mixta de seguiment d’aguest traspàs que permete resòlver qüestions qu’an a veir damb era aquisicion de veïculs, materiau e recorsi tecnics, era actualizacion deth finançament apropiat tath desvolopament dera competéncia e era formacion des professionaus, entre d’autes qüestions.

Atau madeish, aguesta comission a de poder desvolopar es trabalhs entath corrècte desplegament deth traspàs competenciau en matèria de proteccion civila e prevencion, qüestion prioritària entath Govèrn d’Aran entà poder balhar responsa as besonhs, non sonque ara rèsta d’administracions araneses, senon tanben ara pròpia ciutadania.

Era amassada tanben a servit entà méter de manifèst eth besonh de trobar vies que permeten qu’es profesionaus d’emergéncies dera Val d’Aran, atau com deth còs d’Agents gent de Miei Ambient deth Conselh Generau d’Aran, poguen desvolopar es sues foncions en condicions equiparables ara des sòns omològs dera Generalitat, quauquarren que tara sindica d’Aran “ei important resòlver, maugrat qu’èm conscients dera sua complexitat, entà evitar qu’es nòsti professionaus d’aguesti dus còssi se trapen en inferioritat de condicions as dera rèsta de Catalonha”, e higie que “tath Govèrn d’Aran ei indispensable trobar es formules que mos permeten consolidar eth nòste sistèma d’emergéncies que sigue útil tà tota era ciutadanetat aranesa”.

Vielha, 10 de deseme 2024