Era sindica d’Aran, Maria Vergés, s’amassaue ager, en Madrid, damb era presidenta deth Congreso de los Diputados, Francina Armengol, en encastre dera ronda de contactes institucionaus qu’era maxima responsabla deth govèrn aranés manten damb diferents autoritats e representants publics.

En aguest prumèr contacte, Maria Vergés a trasladat ara presidenta eth besonh qu’er Estat reconeishe era especificitat d’Aran enta auançar ena consolidacion dera autonomia pròpria atau e coma contemple era Lei de Regim Especiau d’Aran e er Estatut d’Autonomia de Catalunya, qu’a de servir, en tot compdar damb es acòrds derivats deth Parlament catalan,  tà deishar d’èster considerada coma un ens administratiu estrictament locau. E garantir atau era eficacia des servicis publics en Aran.

Aguesta ei era prumèra trobada institucionau qu’eth govèrn aranés manten  damb era presidéncia dera Cramba baisha.

Vielha, 24 de gèr 2025