• En aguesta visita institucionau era sindica d’Aran e eth Delegat an tractat sus era collaboracion en matèria de lengua que mantien gràcies ath convèni d’andues institucions e de d’autes accions de collaboracion entà hèr presenta era realitat aranesa en Madrid

Era sindica d’Aran, Maria Vergés, a mantengut aué ua trobada institucionau damb eth delegat deth Govèrn dera Generalitat en Madrid, Joan Capdevila.

En aguesta amassada, era sindica d’Aran e eth Delegat an tractat sus eth convèni de collaboracion entre andues institucions entath foment der aranés en Madrid e dera preséncia deth govèrn d’Aran ena capitau espanhòla.

“Volem seguir trabalhant conjuntament en impuls e projeccion d’Aran e dera nòsta lengua en Madrid dera man dera Delegacion dera Generalitat” a manifestat era Sindica. En aguest sens Vergés a expressat tanben ath delegat era volontat deth govèrn d’Aran tà qu’era maxima institucion d’Aran pogue èster mès present en Madrid a trauès dera Delegacion.