Era sindica d’Aran s’amasse damb eth president deth Consell Comarcal del Pallars Sobirà

Pendent aguesta trobada an tractat sus ahèrs coma era gestion des lordères en Aran e eth sòn posterior enviament a Tremp, era candidatura olimpica d’iuèrn de 2030, o es trabalhs conjunts en projècte LEADER, que supausen un gran impuls en desvolopament territoriau

Era sindica d’Aran, Maria Vergés, a recebut aguest maitin ena sedença deth Conselh Generau d’Aran ath president deth Consell Comarcal del Pallars Sobirà, Carlos Isus Castellarnau.

Pendent aguesta trobada an tractat ahèrs d’interès entà andús territòris coma er enviament des lordères generades en Aran entà Tremp, era candidatura olimpica des Pirenèus entà 2030 o projèctes LEADER que supausen ua grana ajuda ena dinamizacion territoriau.

“Deth Conselh Generau d’Aran ençà volem establir sinérgies e amassar esfòrci damb es territòris vesins en tematiques tant importantes coma era diversificacion economica, era digitalizacion, es comunicacions o eth retorn dera gent joena entàs nòsti territòris, rèptes e objectius que, en aguest cas, compartim damb eth Pallars Sobirà e que volem abordar en marc dera cooperacion” afirmaue era sindica d’Aran.

Pendent aguesta trobada an tractat sus ahèrs coma era gestion des lordères en Aran e eth sòn posterior enviament a Tremp, era candidatura olimpica d’iuèrn de 2030, o es trabalhs conjunts en projècte LEADER, que supausen un gran impuls en desvolopament territoriau