Era sindica d’Aran visite era Associacion Catalana de Municipis (ACM)

Era sindica d’Aran s’a amassat aguest maitin en Barcelona damb era secretaria generau e eth president dera Associacion Catalana de Municipis, damb era qu’eth govèrn d’Aran, a despièch de non èster un ens locau, a era volontat de seguir mantient ua relacion dirècta

Era sindica d’Aran, Maria Vergés, s’a amassat aguest maitin damb era secretaria generau dera Associacion Catalana de Municipis (ACM), Joana Ortega, e eth president dera ACM, Lluís Soler, ena sedença dera Associacion en Barcelona.

Eth principau objècte dera ACM ei defensar es interèssi deth mon locau deuant d’autes administracions supramunicipaus.

“A despièch de non èster un ens locau, senon eth principau organ de govèrn dera Val d’Aran, deth Conselh Generau ençà auem era volontat de mantier ua relacion dirècta e estreta damb era ACM, ena linha des relacions institucionaus e dera collaboracion damb d’auti territòris damb es quaus compartim interèssi e rèptes de futur”, afirmaue era sindica, qu’a volut: “arregraïr eth supòrt en diuèrsi encastres que balhe era Associacion as ajuntaments aranesi e ath pròpi Conselh”.

Era sindica d’Aran s’a amassat aguest maitin en Barcelona damb era secretaria generau e eth president dera Associacion Catalana de Municipis, damb era qu’eth govèrn d’Aran, a despièch de non èster un ens locau, a era volontat de seguir mantient ua relacion dirècta