• Eth I Seminari deth Pirenèu de Seguiment Transfronterèr dera Fauna Sauvatja qu’a acuelhut era Val d’Aran pendent es dies 26 e 27 d’abriu a reünit un centenat d’assistents.

 

Era Val d’Aran a estat pendent dus dies era sedença deth I Seminari deth Pirenèu de Seguiment Transfronterèr dera Fauna Sauvatja organizat peth Conselh Generau d’Aran, era Office Nattional de la Chasse et de la Faune Sauvage de França, eth Departament de Territòri e Sostenibilitat e eth Departament d’Agricultura, Ramaderia, Pesca e Alimentacion dera Generalitat de Catalunya, damb er objectiu de procedimentar e normalizar es prètzhèts conjunts sus era gestion transfronterera dera fauna sauvatja, tant enes aspèctes tecnics coma enes policèrs, atau coma era sua metodologia.

 

 

Aguesti dus dies, 26 e 27 d’abriu, es assistents ath Seminari an tractat tèmes de cooperacion transfronterèra damb es següentes tematiques:

– Cooperacion ar entorn dera formacion e dera informacion e es perspectives de futur.
– Cooperacion ar entorn dera policia termierèra e es perspectives de futur.
– Cooperacion en airau tecnic e es perspectives de futur.

S’an realizat tecniques de supòrt damb cans.

 

Ath delà tanben s’an realizat taules redones de perspectives de futur:

– Policia
– Formacion
– Espècies: mamifèrs/galliformes
– Tèmes emergenti

 

Pendent er acte de clausura en “Era Audiovisuau” de Vielha, eth sindic d’Aran, Carlos Barrera, a manifestat “s’a hèt evident que ja existís mès collaboracion transfronterèra de çò que semblaue, ei cèrt qu’aguesta collaboracion ei sus espècies de fauna sauvatja fòrça concrètes e que s’a de portar tanben ara gestion integrau de totes es espècies protegides e cinegetiques”.

 

 

Barrera a hijut “era Val d’Aran a mostrat era sua volontat d’èster eth punt d’amassada deth pròplèu Seminari e constituïr atau un “foro” permanent entà poder debàter cada dus ans era gestion dera fauna sauvatja en massís des Pirenèus damb ua estreta collaboracion e escambi de donades entà conéisher era sua evolucion”.

 

 

Vielha, 27 d’abriu de 2016

 

Conselh Generau d’Aran: Nuria Sanjuan