• I participaràn un totau de 70 patinadors e patinadores (20 deth CEGVA, 19 deth FC Barcelona e 13 deth CEPAP).

Eth Palai de Gèu de Vielha acuelherà aguesta dimenjada, 7 e 8 de noveme, era Copa CEGVA de patinatge artistic sus gèu, prumèra pròva puntuable dera Liga Catalana de Patinatge Artistic sus gèu 2015-2016, circuit qu’includís ath delà era Copa Puigcerdà, era Copa Canillo e era Copa Internacionau Ciutat de Barcelona. Organizada peth Club d’Espòrts de Gèu Val d’Aran (CEGVA) e era Federacion Catalana d’Espòrts d’Iuèrn (FCEH), era competicion acuelherà un totau de 70 patinadors e patinadores apertenentes as clubs catalans FC Barcelona, CEGVA e CEPAP e ath club andorran ACG. Era Copa CEGVA ei ua competicion dubèrta sonque enes categories nacionaus e internacionaus (Debs, Basic Novice, Novice Advanced, Júnior ISU, Sènior ISU e Parelhes de liure) e barrada a clubs dera FCEH e dera FAEG per çò qu’ei des categories Autonomiques A (Escòla, Debutants, Benjamin, Alevin, Cadet e Veterans) e B (Debs A, Infantila A, Júnior A e Sènior A).

Un totau de 52 patinadors catalans participaràn en aguesta competicion que daurís era Liga Catalana dera disciplina. Concrètaments deth CEGVA i preneràn part 20 patinadors: Daniel Odriozola, Telmo Ripa, Nora Ripa, Nora Olivella, Irena Aris, Júlia Feixa, Jara Beso, Abril Pastor, Anne Ripa, Martí Alonso, Naia España, Claudia Capdevila, Ana Chesa, Aina Masip, Ares Capdevila, Sara Monteagudo, Lucia Sánchez, Iria España, Griselda Serrallach e Alexandru Ilici. En tot representar ara seccion de patinatge sus gèu deth FC Barcelona i anaràn 19 patinadors e 13 patinadors deth CEPAP.