- Er Audiovisuau de Vielha a acuelhut era prumèra “Jornada pera Exceléncia”, celebrada ena Val d’Aran laguens des Jornades per a l’Excel·lència” de Andorra e Esterri d’Àneu. Er acte organizat peth Conselh Generau d’Aran e era associacion que promò aguest espaci de reflexion, a compdat damb mès de 100 joeni de tot eth territòri
Aguesta prumèra jornada jos era tematica “ Joenessa en Pirinèu: projècte vitau e professionau” s’a inaugurat damb es parlaments de Jesús Montoliu, president de l’Associació de les Jornades per a l’excel·lència a l’alta muntanya, era Conselhèra de Joventut, Igualtat e Inclusion Sociau deth Conselh Generau d’Aran, Maria Menis e er alcalde de Vielha-Mijaran, Juan Antonio Serrano.
Tot seguit s’a hèt ua taula redona e colòqui ath torn de Bastir eth deman. Joenessa e emprenedoria damb es ponens Clara Gibert, dera empresa marketing de Nnormal, usatgèra de coworking Val d’Aran, Jaime Varela, fotògraf i videògraf (J.Prod), e Arnau Cases, cofundador de Cordada Outdoor.
Era jornada tanben a compdat damb un espaci, taula redona/collòqui, ath torn dera Participacion activa e eth teishit Associatiu, damb es joeni ponents aranesi Estefania Revilla, tecnica der Airau de Joenessa deth Conselh Generau d’Aran, Martí Alonso, dera corsa Infinite Race Val d’Aran e Rubén Vivancos, membre dera Associacion de Joeni de Bossòst e era Associacion de Joeni de Les e tanben emprenedor en sector otelèr.
Era Sindica d’Aran, Maria Vergés e era Conselhèra de Joenessa, Igualtat e Inclosion Sociau Maria Menis an volut méter en valor eth papèr dera joenessa en territòri, atau coma encoratjar-les a participar enes diuèrses iniciatives que se desvolopen en eth. Eth Govèrn d’Aran a coma objectiu recuélher es besonhs, idees e inquietuds d’aguest collectiu entà poder definir politiques restacades ara joenessa en diuèrsi àmbits.
Vielha, 24 de Noveme de 2024