• Segontes Foment Torisme Val d’Aran, es hèstes de Nadau s’an barrat ena Val d’Aran damb ues donades d’aucupacion fòrça positives, qu’an artenhut un 82% de mejana entre eth 22 de deseme e eth 6 de gèr

“Eth Govèrn d’Aran avalòre positivaments es donades artenhudes pendent aguest periòde de hèstes, qu’an estat similares as des darrèri ans”, a afirmat eth conselhèr de Torisme, Promocion Economica, Comèrç e Mobilitat, Josep Canut. “Aguestes donades constaten qu’era Val d’Aran ei ua destinacion fòrça avalorada pera gent” e higie que: “eth Govèrn d’Aran trabalhe entà hèr deth nòste territòri ua destinacion resilienta e sostenibla que permete compatibilizar era qualitat ena experiéncia des nòsti visitaires e eth dia a dia dera societat aranesa”. Atau madeish, eth conselhèr a volut arregraïr “eth trabalh amiat a tèrme per toti es estaments privadi e pes servicis publics d’Aran ath long d’aguestes dates de tanta nauta afluéncia en nòste territòri”.

Se dividim es donades per setmanes, se constate qu’era ocupacion mès nauta s’artenhec era prumèra setmana de 2025, que siguec deth 86%, en tot qu’es darrèri dies de 2024 s’artenhec un 79%.

Vielha, 8 de gèr de 2025