• Enguan, en gèr era aucupacion a estat ath torn deth 63%, en part gràcies ath bon temps, mès tanben gràcies ath gran esfòrç de Baqueira Beret entà mantier es condicions dera nhèu, atau coma ara professionalitat deth sector servicis

Era Val d’Aran a barrat eth mès de gèr damb ua aucupacion toristica deth 62,9%, ua chifra que supère en mès de 8 punts era der gèr der an anterior (54,3%) e que supère er istoric d’aguest mes, atau coma senhalen es donades de Foment Torisme Val d’Aran.

Eth conselhèr d’Economia, Torisme e Promocion Economica, Juan Antonio Serrano, afirme qu’aguesta positiva donada se deu “en gran part ara bona meteorologia qu’auem auut pendent era major part deth mes de gèr, damb solei e pògues precipitacions, çò qu’a permetut as nòsti visitants amiar a tèrme diferents activitats coma er esquí, eth senderisme o eth ciclisme”, e hig que “ei fòrça restacable eth gran esfòrç qu’a realizat era estacion d’esquí Baqueira Beret entà mantier es sues pistes en ues condicions òptimes a despièch d’aguest bon temps que mos a acompanhat”.

Atau madeish, eth tanben conselhèr d’Economia, Torisme e Promocion Economica, Josep Canut, a volut arregrair “eth bon trabalh qu’an amiat a tèrme istoricament ostalèrs, restauradors e comerçants, mès tanben d’auti professionaus d’airaus fòrça diuèrsi qu’ajuden a mantier eth nivèu d’excelléncia qu’aufrís era Val d’Aran as sòns visitants”.