• Ues 150 persones an participat aguest maitin ena caminada contra eth càncer de popa qu’a organizat era Junta Locau dera AECC d’Aran e que s’a desvolopat pes carrèrs de Vielha.

 

 

Aué dimenge, dia 16 d’octobre, damb motiu deth Dia Mondiau contra eth càncer de popa, era Junta Locau dera AECC dera Val d’Aran a organizat ua caminada contra eth càncer de popa qu’a agut lòc aguest maitin pes carrèrs deth pòble de Vielha e a on an participat ues 150 persones.

 

 

Er acte a compdat damb era conselhèra de Salut e Benéster d’Aran, Anna Díaz.

 

 

Damb aguest tipe d’acte se mobilize ara societat ena luta contra eth càncer de popa e per un aute costat, se capten hons entà auançar ena investigacion entà hèr-li tèsta. Tanben, s’aufrís informacion multidisciplinària sus aguesta malautia, damb enfasi e difusion des programes e servicis qu’era AECC met ara disposicion des persones afectades e a familhars.

En Espanha, cada an, 22.000 persones son diagnosticades de càncer de popa, lèu totes eres son hemnes, ei significativa era donada: 1 de cada 8 hemnes aurà càncer de popa ath long dera sua vida.

 

 

 

 

Vielha, 16 d’octobre de 2016

 

Conselh Generau d’Aran: Núria Sanjuan