Era Val d’Aran compde damb 556 espècies de misharnons identificadi des 3.000 catalogadi en Catalonha

Era setmana passada, eth Departament d’Agricultura, Ramaderia e Medi Naturau deth Conselh Generau d’Aran organizèc es Xau Jornades Micologiques dera Val d’Aran amassa damb era Societat Catalana de Micologia e damb era collaboracion dera Escòla d’Ostalaria de Les.

Foto: Societat Catalana de Micologia

Se realizèren tres gessudes de camp entà profundizar en mon dera micologia a cargue dera equipa d’ensenhament dera Societat Catalana de Micologia e maugrat era sequèra d’agost e prumèrs dies de seteme se trobèren 140 espècies de misharnons identificadi e 15 espècies qu’encara non èren catalogades ena Val d’Aran.

Foto: Societat Catalana de Micologia

Enguan, es Jornades compdèren damb un talhèr de gastronomia sus misharnons damb Marc Nus (chef deth restaurant Era Coquèla); ua jornada sus es oportunitats en desvolopament deth micotorisme (torisme entorn as misharnons) a cargue de Fernando Martínez (Centre d’Investigacion e Tecnologia Agroalimentaria d’Aragon) e Joaquin Latorre (Programa de Micologia de Castilla y León, MICOCYL-CESEFOR) ath delà dera exposicion de misharnons en Les damb 140 espècies de misharnons.

Vielha, 21 de seteme de 2016

Conselh Generau d’Aran: Núria Sanjuan