• Eth Conselh Generau d’Aran a aquerit quate ambulàncies, dues de supòrt vitau basic e dues de supòrt vitau auançat, que s’incorpòren ara flòta de veïculs de Pompièrs Emergéncies.
• Aguesta crompa a auut un còst de 650.000€ des quaus 150.000€ an estat finançadi pera Deputacion de Lleida e era rèsta pera maxima institucion d’Aran.

Eth Conselh Generau d’Aran a aquerit quate naues ambulàncies qu’entren a formar part des equips de Pompièrs Emergéncies. Aguesti veïculs, dus de Supòrt Vitau Auançat e dus de Supòrt Vitau Basic, e son laguens des diuèrses inversions qu’eth govèrn aranés amie a tèrme entath renauiment des equipaments en matèria sanitària e d’emergéncies.

Atau e coma explique eth Major de Pompièrs Emergécies, Manel Bosch, “damb aguestes naues ambulàncies, renauim eth nòste parc mòbil damb ues tecnologies mès modèrnes que facilitaràn eth trabalh des nòsti professionaus”.

Era naua dotacion, de quate ambulàncies, incorpòren traccion 4×4 e presenten era naua rotulacion corporativa, a on destaque eth cambi de color der auriò ath vermelh, en tot complir damb eth manuau d’identitat corporativa deth Conselh Generau d’Aran.

Era sindica d’Aran, Maria Vergés, qu’a visitat eth Parc de Pompièrs de Vielha a on son emplaçades aguestes ambulàncies, a remercat que “damb aguesta adquisicion hèm un pas endauant important ena melhora des nòsti equipaments sanitaris e d’emergéncies”.

Vielha, 27 de hereuèr 2025