Torisme Val D’Aran, damb er objectiu de seguir en tot potenciar era gastronomia aranesa coma atractiu toristic e dan supòrt as codinèrs e mestieraus deth sector alimentari deth país, participe ena jornada organizada pera Aula Internacionau d’Innovacion Toristica de ESADE que dirigís eth catedratic deth Departament de Direccion de Marqueting de ESADE Josep Francesc Valls, jos eth títol de “Catalunya, Regió Gastronòmica Europea” .
Era ponéncia dera jornada ei a cargue de Carme Ruscalleda, codinèra e proprietària deth restaurant Sant Pau de Sant Pol de Mar, qu’ei era unica hemna en mon arreconeishuda damb 7 esteles dera Guida Michelín.
Ena jornada tanben participen Xavier Illa, Conselhèr Delegat de Hesperia, Conselhèr de NH e President de AIIT, Elena Foguet, Directora de Negòci de Value Retail e Xavier Espasa, Director Generau dera Agéncia Catalana de Torisme.
Era gastronomia coma element d’innovacion e atractiu toristic, ei un des arguments a auer en compde entath bon desvolopament deth sector, segontes se despren der Informe d’Innovacion Toristica en Espanha, elaborat pera Aula Internacionau d’Innovacion Toristica de ESADE. D’aguesta manèra, entà mès de 66% des enterpreses qu’opèren en sector toristic espanhòu, innovar ei “indispensable e un element estrategic en tot moment en sector dera intermediacion”, encara qu’entre es motius qu’es enterpreses deth sector deth torisme decidissen per non invertir mès en innovacion se tròben ua actitud pòc ausada, escassa creativitat ara ora de representar es idèes en accions, rigidesa e prejudicis ara ora d’actuar, e ua tendéncia a dirigir era responsabilitat as administracions.
