• Aran serà eth prumèr endret en aufrir aguesta pròva de deteccion deth virus deth papilòma uman enes hemnes e persones d’edats includides entre es 30 e 65 ans laguens dera Region Sanitària deth Naut Pirenèu.

• Eth Conselh Generau d’Aran, a trauès des sòns Servicis Integradi (Aran Salut), s’encuedarà d’amiar a tèrme aguest cribatge en Espitau Val d’Aran.

Era Val d’Aran ei eth prumèr territòri dera Region Sanitària deth Naut Pirenèu e d’Aran en desplegament dera deteccion precòça deth càncer de còth uterin. Ena rèsta se desplegarà ath long der an. Es pròves, que comencen aguest mes de junhsèga, se programen a trauès des Servicis Assitenciaus Integradi deth Conselh Generau d’Aran (Aran Salut),  a on se passarà a un cribratge progressiu populacionau a compdar 2025.

Aguest desplegament de deteccion precòça deth virus deth papilòma uman (VPH) ei adreçat a hemnes d’entre 35 e 65 ans, en concret a 2.134 hemnes e persones damb còth uterin de tota era Region Sanitària deth Naut Pirenèu e Aran d’aguest sector d’edat, e eth programa a coma objectiu milhorar era deteccion dera infeccion abans dera preséncia de lesions que se poguen desvolopar en càncer de còth uterin.

Aguesta prumèra fasa deth programa de cribratge ven d’aprofitar ua consulta ordinària  en un centre d’atencion dera Salut Sexuau e Reproductiva (ASSIR), ua prumèra fasa que s’implementaue  en noveme d’est’an passat ena Region Sanitària de Barcelona Ciutat  e en hereuèr d’enguan ena Region Sanitària de Lleida Ciutat e qu’ara arribe entara Val d’Aran.

Vielha, 18 de junhsèga deth 2024