Vielha, 14 de deseme de 2017.- Era equipa de Torisme Val d’Aran ja ac a tot premanit entara campanha de Nadau dempús d’un pònt excepcionau ena Val d’Aran.

Era conselhèra de Torisme d’Aran, Anna Díaz, a hèt ua fòrça bona avaloracion des resultats d’aucupacion toristica ena Val d’Aran, qu’arribèc pendent es dies principaus deth darrèr pònt de deseme a 82,26% (de dimèrcles a dimenge), en tot comptabilizar tota era setmana entre eth 4 e eth 10 de deseme era aucupacion artenhec 66,18%.

Donades qu’Anna Díaz, qualifique de fòrça bones, des melhors des darrèri ans ena Val d’Aran e que hèn a pensar en ua fòrça bona sason toristica entad aguest iuèrn, en tot destacar qu’es boni resultats an repercutit en tota era Val d’Aran, non solaments en Naut Aran e Vielha, mès tanben en Baish Aran.

Era conselhèra de Torisme destaque era grana afluéncia de 70.000 esquiaires en Baqueira Beret pendent eth pònt, que se trobèren ua estacion a plen rendiment e damb fòrça boni espessors de nhèu, que beneficièc a tot eth sector toristic dera Val d’Aran, non solaments es establiments otelèrs o apartaments d’emplec toristic, mès tanben en sector dera restauracion, comerciau e de servicis.

En çò que tanh ara procedéncia des visitants, segontes donades des burèus de Torisme dera Val d’Aran, 80% procedien de Catalonha, seguit de 10% de Madrid, 8% deth País Basc e 2% de Valéncia.

Damb aguestes donades positives, des de Torisme Val d’Aran preven ua campanha de Nadau favorable, donques Baqueira Beret trabalhe a plen foncionament e damb boni espessors de nhèu, e se trabalhe fòrça tanben des deth sector toristic, ac hè preveir qu’es dues setmanes de Nadau tanben seràn bones ena Val d’Aran.

Foto: Baqueira Beret