• En Mercat d’Escapades es visitants poderàn crompar productes toristics e participar enes activitats e degustacions que s’an programat.

• Era Val d’Aran organize un talhèr de natura que permeterà es participaires seguir diferentes tralhes que les portaràn fins es bòsqui der Aran.

Deth 20 ath 22 de març era Val d’Aran mostrarà era sua aufèrta toristica entara primauera e er ostiu en Mercat d’Escapades ena Avenguda dera Catedrala de Barcelona. Aguest mercat ei ua iniciatiua organizada pera Agéncia Catalana de Torisme, qu’enguan dedicarà ua bona part des sues accions de promocion enes experiéncies toristiques d’interior e de montanha.

Eth Mercat d’Escapades s’a estructurat es 4 grani grops: cultura e gastronomia, enoturisme e oleoturisme, vacances en familha e activitats ena natura.

Era Val d’Aran presentarà ath public que passe peth Mercat d’Escapades tota era sua aufèrta toristica, en tot subervier mès que mès enes activitats pensades entara primauera e er ostiu, tanben se promoirà eth patrimòni, era gastronomia o es crompes. Eth visitant trobarà en mostrador dera Val d’Aran productes de torisme actiu, prepauses entà hèr senderisme e cicloturisme e fòrça d’autes opcions qu’aufrissen es empreses araneses.

Talhèr de Natura organizada pera Val d’Aran

Era Val d’Aran organize en Mercat d’Escapades un talhèr de natura que permeterà as participaires seguir diferentes tralhes que les portaràn enquiàs bòsqui dera Val d’Aran. Eth format d’aguest talhèr ei d’ua gimkana, es pistes qu’artenhen les darà informacion sus era fauna e es païsatges dera nauta montanha. Ena part finau dera activitat se harà ua explicacion sus es tralhes qu’an seguit.

Aguesta activitat qu’a ua durada de 45 menutes ei pensada entà quinsevolha edat a compdar des 6 ans.