• Aran assistís enguan entara Hèira Internacionau de Torisme en Madrid dempús d’auer artenhut eth reconeishement mondiau de Resèrva dera Biosfèra.

Era sindica d’Aran, Maria Vergés, a assistit ar acte d’inauguracion der Stand de Catalunya amassa damb eth vice-sindic tresau e conselhèr d’Espòrts, Javier Cavero, eth conselhèr de Torisme, Promocion Economica, Comèrç e Mobilitat, Josep Canut e tecnics/es der airau de Torisme deth Conselh Generau d’Aran, d’aguesta 45 edicion dera Hèira Internacionau de Torisme en Madrid.

FITUR, que se celèbre enguan entre es dies 22 e 26 de gèr, ei un eveniment de referéncia en sector internacionau deth torisme e líder entàs mercats receptius e emissors a nivèu mondiau, damb un totau de 156 paisi participaires.

Era sindica d’Aran destacaue que: “eth compromés deth govèrn d’Aran ei auançar enquià un torisme sostenible e respectuós damb eth nòste territòri” “a trauès deth nòste Plan de Sostenibilitat Toristica, trabalham en ahèrs tant importants coma era mobilitat sostenible, era desestacionalizacion e diversificacion dera aufèrta toristica e era implementacion des naues tecnologies entà auançar enquia ua destinacion intelligenta”.

Atau madeish eth conselhèr Canut, a assistit aguesta tarde ar autrejament des diplòmes des nominacions des prèmis Mencey, organizadi peth Foro Internacional para Empresarios y Profesionales del Turismo, a on Aran competís ena categoría de “Destino Rural Emblemático, e descataue que “FITUR ei ua veirina tà dar a conéisher era nòsta destinación e era nòsta oferta toristica que placen ara Val d’Aran com un territòri de referéncia”.

Vielha, 22 de gèr 2025