Vielha, 8 de març de 2018.- Es passatgèrs d’Air Nostrum Líneas Aéreas poderàn conéisher de prumèra man toti es detalhs dera aufèrta toristica dera Val d’Aran gràcies ara sua revista d’a bord que compde damb ua lançada de 400.000 exemplars.

Pendent tot eth mes de març era Val d’Aran protagonize es contenguts dera revista que destaquen entre eri era grana aufèrta toristica iuernau, ath costat des diuèrses prepauses entath rèste der an, e fòrça especiuaments es de primauera e estiu.

Era conselhèra de Torisme d’Aran, Anna Díaz, a soslinhat que “aguesta ei un bon mejan de hèr arribar as potenciaus visitants dera Val d’Aran es innombrables activitats que ne pòden gaudir pendent era sua estada, en tot auer en compde non sonque es activitats restacades damb er esquí e Baqueira Beret, que son fòrça e de mès en mès atractiues, mès er ample ventalh de prepauses qu’aufrís era Val d’Aran entath rèste der an, que cada viatge n’i a mès demanda d’activitats restacades damb eth torisme familhau, esportiu, ciclotorisme e sustot culturau.

Ua fòrça bona manèra de conéisher era Val d’Aran gràcies ara collaboracion de Air Nostrum Líneas Aéreas.