• Per tresau an Aran a estat scenari deth Freeride World Tour Baqueira Beret Pro by Movistar, era competicion internacionau de freeride mès importanta e espectaculara deth mon.

Eth Conselh Generau d’Aran, ua des institucions que patrocinen aguest eveniment, trabalhe entà qu’aguest tipe de competicions de naut nivèu agen ena Val d’Aran  un des sòns referents entà acuélher aguesti eveniments.

Eth govèrn aranés felicite tanben ath rider aranés Abel Moga per auer artenhut era “Wild Card” que li permeterà participar ena rèsta de competicion deth FWT, en tot seguir representant ara Val d’Aran coma esportista referent deth nòste país. Atau madeish,  eth govèrn deth Conselh Generau d’Aran destaque eth trabalh amiat a tèrme per Aymar Navarro entà qu’aguesta competicion age estat possibla en Aran. Navarro a estat pèça clau entà hèr d’aguesta competicion ua realitat, e daurir camin entà es joeni talents aranesi qu’era pròplèu setmana competiran en ua naua edicion deth Yeti FRWT Baqueira Beret by Naut Aran Junior e Qualifier.

Fòtos: JBernard | Conselh Generau d’Aran

N’aguest sens, eth govèrn aranés vò arregraïr era collaboracion de totes es institucions e organismes qu’an hèt possible era celebracion d’aguesta naua edicion deth FWT en tot plaçar ara Val d’Aran coma referent mundiau deth freeride, atau coma ara estacion de Baqueria Beret pera sua apòsta entà plaçar Aran en mapa esportiu de naut nivèu que s’evidéncie ena collaboracion publico privada d’aguest tipe d’eveniments internacionaus.

Vielha, 19 de gèr 2025