• Aguest diuendres, 7 d’abriu, tàs 22:00 ores “Net d’Aran” en Centre Mestierau Tradicionàrius (C.A.T)

• Alidé Sans escriu, compause e interprete es sues pròpies cançons des de plan joena. Ua votz que despunte liura, damb ua energia indomable e en aranés. Entad aguesta escadença e entà presentar eth disc “Eth Paradís ei en tu” l’acompanhe eth guitarrista de Lengadòc Paulin Courtial, damb qui trabalhe des dera tardor de 2015.

Alidé Sans (guitarra, acordeon diatonic e votz)
Paulin Courtial (guitarra)

• Sarabat ei un grop de musica tradicionau e fòlc, creat en an 2009, canten ena lengua aranesa, en occitan e bèra ua en catalan. Eth grop ei format per sies musics qu’interpreten es tèmes damb estruments tradicionaus pròpis dera cultura aranesa e occitana. Entre es estruments destaquen er arpa, era mandolina, era viòla de ròda, es acordeons diatonics, flaüta, flaüta de 3 horats, cornamusa gascona e grall de pastor entre d’auti.

Enquiara actualitat, Sarabat a editat 2 CD’S: eth prumèr, “Bramatopin”, compde damb 10 tèmes que barregen cançons pròpies damb adaptacions de cançons tradicionaus, e eth dusau, de nòm “Ath Torn deth Haro”, recuelh toti es balhs tradicionaus que se baren en Aran enes sues hèstes tradicionaus, mès que mès es hètes dera net de Sant Joan que se baren ath torn deth Haro mentres crème.

Jordi Bardella: baish
Paco Boya: votz e acordeon
Tonho Cuito: votz, flaütes, percussion
Anna Geli: votz, percussion e guitarra ritmica
Mercè Morera: acordeon
Llibert Ribó: arpa, viòla de ròda, mandolina

Mès informacion: FdS_ Nit d’Aran

Podetz consultar tota era programacion en www.tradicionarius.cat

Vielha, 4 d’abriu de 2017

Conselh Generau d’Aran: Núria Sanjuan