Vielha, 10 de noveme de 2017.- Era setmana passada agents de Miei Ambient deth Conselh Generau d’Aran amassa damb agents dera Guardia Civil, interceptèren en tèrme municipau de Bossòst a quate caçaires, vesins de Bossòst e d’Era Bordeta, qu’auien caçat dues femelhes de cèrvi que non portauen cap precinte.

Es agents denoncièren a un des caçaires, per non porta cap precinte.

Eth mes passat, un des caçaires ja siguec denonciat pera Guardia Civil per non portar eth precinte, ua arma que non ère sua sense era guida corresponenta, tanpòc eth document de cession d’arma (procès que realize entà deishar ua arma a d’auta persona).