Vielha 13 de deseme de 2018.- Tres equipes formades per alumnes de 3au d’ESO der Institut d’Aran an presentat tres prepauses ath “Projècte Rèpte Aran” que cerque animar er esperit innovador des adolescents e joens dera Val d’Aran a compdar des besonhs deth territòri en matèries diuèrses coma era solidaritat, era educacion, era tecnologia, era ecologia, eth benéster, era cultura e er espaci public.

Enquiath pròplèu 19 de deseme as 10.00 ores ei duberta era votacion populara entà que tot aqueth que volgue pogue votar eth projècte que mès li agrade.

Eth projècte, que partís d’ua iniciatiua de Combinats SCCL a compdat damb era complicitat dera Oficina de Joenessa dera Val d’Aran e der Institut d’Aran, e era collaboracion deth Conselh Generau d’Aran, eth Grèmi d’Ostalaria dera Val d’Aran e A2 Otèls.

Eth prèmi entara equipa guanhadora ei dues nets en otèl Cesar Augustus de Cambrils entath mes de mai.

Era votacion populara des projèctes se pòt hèr en http://participo.cat/reptearan/