Tot ei en marcha entà arrecéber era tresau edicion d’“El Dorado Freeride Junior” en Vallnord Ordino Arcalís eth 23 e 24 de gèr, en tot coïncidir damb era celebracion deth Freeride World Tour.

Abel Moga e Pòl Tellosa deth Club d’Esquí Emotion se tròben en Programa de Pretecnificacion de Freeride en Centre Especializat ena Tecnificacion Esportiua d’Espòrts d’Iuèrn dera Val d’Aran (CETEI).

Vallnord- Arcalís acuelh aguesta dimenjada, 23 e 24 de gèr, “El Dorado Freeride Junior” ath madeish temps qu’eth Freeride World Tour.
En tot èster ua competicion laguens deth FREERIDE JUNIOR TOUR (FJT) (circuit mondiau junior), riders de 14 a 17 ans, provenenti de tota Euròpa, Estats Units e Naua Zelanda.

“El Dorado Freeride Junior” ei era escòla de freeride de fòrça joeni a on aprenen a compréner e respectar era montanha. Ei ua dimenjada plea d’activitats a on règne eth companherisme e er amor per espòrt.

Es aranesi Abel Moga e Pòl Tellosa participaràn en “El Dorado” damb Jordi Riba e Àxel Joaniquet.

Es 4 riders deth Club d’Esquí Emotion se tròben en Programa de Pretecnificacion de Freeride en Centre Especializat ena Tecnificacion Esportiua d’Espòrts d’Iuèrn dera Val d’Aran (CETEI).

Eth Centre de Tecnificacion Esportiua d’Espòrts d’Iuèrn dera Val d’Aran, estacat ara Reau Federacion Espanhòla d’Espòrts d’Iuèrn (RFEDI) e ara Federacion Catalana d’Espòrts d’Iuèrn (FCEH), a coma objectiu ajudar ara progression de joeni promeses e velhar pera sua formacion integrau. Eth Conselh Superior d’Espòrts dèc eth vist e platz ara creacion deth Centre Especializat ena Tecnificacion Esportiua d’Espòrts d’Iuèrn dera Val d’Aran, impulsat peth Conselh Generau d’Aran qu’ac gerís.

Mès informacion: www.escuelaemotion.com

Vielha, 22 de gèr de 2016

Conselh Generau d’Aran: Núria Sanjuan