Es circuits d’esquí de hons dera Copa Catalana e era Copa Nins dejà an esportistes e clubs Campions dera sason 2014-2015.

Eth liurament de prèmis se celebrèc eth passat dissabte 18 d’abriu ena estacion d’esquí d’Aransa. 

Celebrades eth conjunt de pròves qu’an conformat eth circuit de hons dera Copa Catalana 2015, es esportistes aranesi que s’an proclamat campions enes diferentes categories an estat Pol Vidal (ANEC) ena U18; Oriol Llarden e Marta Céster (CAEI) ena U20, Mari Cruz Palacín (ANEC) ena Mastèr 2.

Boni resultats tanben des aranesi David Céster (CAEI) e Jose Ramon Rodríguez (ANEC) 3au e 5au respectivaments en Sènior; Nil Llarden (ANEC) 6au ena U20; Roger Espinet (CAEI), Marc Pérez (ANEC) e Jan Segalàs (ANEC) 3au, 4au e 9au respectivaments ena U18; Lydia Iglesias (ANEC) 2au ena U18; Juan José Iglesias (ANEC) e Iñigo Oyarzabal (CAEI) 5au e 10au  respectivaments en Mastèr 1; Josep Llarden (ANEC) e Jose Manuel Rodríguez (ANEC) 2au e 8au respectivaments ena Mastèr 2; Carla Badía (CAEI) 4au ena U16; Marc Vidal (ANEC), Gerard de Castellarnau (ANEC) e Joan Marc Albert (ANEC) 2au, 4au e 9au respectivaments ena U16.

Per çò que tanh ara Copa Nins, es aranesi Maria Iglesias (ANEC), Marta Moreno (CAEI) e Zoe Sanllehy (CAEI) 2au, 4au e 9au respectivaments ena U14; Eric Ricart (CAEI) e Enric Mosteirin (CAEI) 7au e 8au respectivaments ena U14.

En çò que tanh ath classament per clubs ena Copa Catalana er Aran Nòrdic Esquí Club e eth CAEI se classifiquèren en 2au e 6au lòc respectivaments de 21 clubs. Ena Copa Nins, eth CAEI artenhec eth 6au lòc de 9 clubs.