Vielha, 6 de junh de 2017.- Era dimenjada passada concludiren es tres concentracions de preparacion fisica des equipes U21 e U18 deth Centre de Tecnificacion d’Espòrts d’Iuèrn dera Val d’Aran que s’an amiat a tèrme entre es mesi de mai e junh.
Es esportistes deth CETEI, realizèren eth Tèst iniciau, ath delà de sessions de condicionament fisic generau e trabalh sus es bases des movements d’halterofília damb es sòns entrenadors.
Es sessions de preparacion s’an realizat enes installacions deth Palai de Gèu e CrossFit Val d’Aran. Era pròplèu concentracion serà en CAR de Sierra Nevada entà poder profitar es condicions d’entrenament en nautada.
