Era esportista Astrid Fina. Foto: CDIA

Aguest mes de junh es esportistes deth Centre d’Espòrts d’Iuèrn Adaptat (CDIA) an començat es activitats dera naua sason 2015-16.

Er INEF de Barcelona a acuelhut era presentacion de programes e tèst fisic iniciau d’Astrid Fina e d’Oier Zabala, compausants dera Equipa de Snow Adaptat.

Eth CDIA ei un centre de naut rendiment, deteccion de talents, tecnificacion d’esportistes e formacion de tecnicians esportius especialistes enes espòrts d’iuèrn entà persones apertenentes as Federacions Espanhòles de Discapacitats Fisics e Paralisi Cerebrau.

Mercés as sòns patrocinadors, institucions e collaboradors: era Fondacion Repsol, eth Conselh Superior d’Espòrts, eth Comitat Paralimpic Espanhòu, eth Conselh Generau d’Aran, era Deputacion de Lhèida, Ajuntament de Naut Aran, Conselh Català der Espòrt e damb era collaboracion d’Elan Esquís, Medilast, Mountain Padel Gim e Iberian Sportech entre d’auti, amien a tèrme cada an un trabalh multidireccional que preten hèr arribar es espòrts d’iuèrn adaptat a totes es persones damb discapacitat e hèr possible as melhors arribar a apartier ara Equipa Nacionau e hèr concurréncia ath maximal nivèu internacionau.

Es sòns programes esportius van des dera tecnificacion ath naut rendiment, ath que se somen activitats de promocion der espòrt entà toti, hemna e espòrt adaptat, deteccion e formacion de talents e organizacion de competicions nacionaus.