• I a cinc modalitats diferents damb distàncies e recorreguts entà toti

• Era classificacion e mesura de tempsi d’aguestes pròves se realize mejançant eth sistèma de CHIP, per tant, eth sòn us ei obligatòri

Un an mès, arribe era Corsa e Caminada des 15 pòbles, qu’aguest pròplèu dimenge, 28 d’agost, celèbre era sua XXVau edicion.

Es inscripcions son dubèrtes entà totes aqueres persones interessades en realizar aguesta pròva e se poderàn hèr online a trauès dera plana web dera corsa enquias 23:59 ores deth 25 d’agost e tanben de forma presenciau en Banc Sabadell de Vielha enquias 14:00 ores deth madeish dia.

I aurà tanben inscripcions presenciaus ena Plaça d’Aran eth diuendres, 26 d’agost, de 17:00 a 20:00 e eth dissabte, 27 d’agost, de 10:00 a 13:00 e de 17:00 a 20:00.

Ei imprescindible qu’es inscrits menors de 18 ans presenten era autorizacion des sòns pairs o tutors legaus eth dia dera remassada de dorsaus entà poder participar.

En aguest eveniment esportiu i a un totau de cinc modalitats diferents. Eth track de cada ua d’eres se pòt consultar ena web.

Caminada 15 km

• 830 m de pujada e 730 m de baishada
• Gessuda tàs 09:00 des de Es Bòrdes
• Prètz inscripcion: 20 euròs enquiath 25 d’agost. Prètz inscripcion presenciau eth dia 26 e 27 d’agost: 25 euròs

Caminada 5 km

• 200 m de baishada
• Gessuda tàs 11:00 ores des de Montcorbau
• Prètz inscripcion: 15 euròs enquiath 25 d’agost. Prètz inscripcion presenciau eth dia 26 e 27 d’agost: 20 euròs

Corsa 11 km- Trofèu Arturo Riba

• Corsa de 11,2 km damb un desnivèu positiu acumulat de 520 m
• Gessuda tàs 09:00 des d’Es Bòrdes
• 2 pujades fòrtes
• Temps maxim entà completar era corsa: 4 ores
• Avitualhaments en Pònt d’Arròs, Betlan e en mèta
• Dificultat tecnica: 5 sus 10
• Prètz inscripcion: 20 euròs enquiath 25 d’agost. Prètz inscripcion presenciau eth dia 26 e 27 d’agost: 25 euròs

Corsa des 15 pòbles

• Corsa de 21,5 km
• Gessuda tàs 09:00 des d’Es Bòrdes
• 1300 m de pujada e 1200 m de baishada
• Temps maxim entà completar era corsa: 5 ores
• 3 pujades fòrtes
• Avitualhaments en Arres, Vilamòs, Pònt d’Arròs, Vila, Betlan, Mont e en mèta
• Prètz inscripcion: 25 euròs enquiath 25 d’agost. Prètz inscripcion presenciau eth dia 26 e 27 d’agost: 30 euròs

Corsa- Trofèu Roland Giné

• Corsa juvenil de montanha de recorregut cuert. 5 km, 200 m de baishada
• Se pòden inscríuer (damb autorizacion des pairs/ tutors legaus) es gojats e gojates neishudi entre 2005 e 2016, includint es dus ans (De 6 a 17 ans)
• Gessuda tàs 11:00 en Montcorbau
• Prètz inscripcion: 15 euròs enquiath 25 d’agost. Prètz inscripcion presenciau eth dia 26 e 27 d’agost: 20 euròs

Era classificacion e mesura de tempsi d’aguestes pròves se realize mejançant eth sistèma de chip, per tant, eth sòn emplec ei obligatòri.