• 37 nedadors deth CAVA- PALAI SWIM TEAM d’entre 6 e 18 ans participaràn enes diferentes categories.

Aguest dissabte, 6 de mai, es nedadors deth CAVA- PALAI SWIM TEAM inauguren era sason d’aigües dubèrtes damb era participacion ena VIau Copa Marnaton eDreams by VW Califòrnia en Barcelona, un rèpte enfocat a popularizar era natacion en aigües dubèrtes damb era nauetat d’includir ua pròva de 4km ath delà dera de 2km.

Era MARNATON Barcelona aurà lòc ena plaja de Sant Sebastian e compdarà: pròva de 4km, 2km, pròva de relèus e era MARNATON Kids. Era pròva de relèus serà per equipes de 4 nedadors, a on cada equipa aurà de completar 8 torns de 500 mètres, en tot hèr un totau de 4.000 mètres entre toti.

37 nedadors deth CAVA- PALAI SWIM TEAM d’entre 6 e 18 ans participaràn enes diferentes categories.

Era equipa de natacion de Vielha a previst participar enes quate pròves dera Copa MARNATON (Barcelona, Begur, Sant Feliu de Guíxols e Cadaqués), ath delà dera tradicionau Travessia ar Estany de Banyoles.

Vielha, 4 de mai de 2017

Conselh Generau d’Aran: Núria Sanjuan

Hònt e fotos: CAVA- PALAI SWIM TEAM