Era parelha viatjarà a Polònia amassa damb auta parelha de Madrid e es entrenadores Celia Robledo e Laura Fernández, en tot formar er equip Espanhòu.

Eth seminari a ua capacitat limitada a 24 parelhes e 20 entrenadors de tota Euròpa.

Era equipa tecnica dera ISU dejà a donat mòstres dera grana illusion que les hè qu’enguan Espanha pogue participar en aguest seminari.

Es aranesi deth Club d’Espòrts de Gèu Val d’Aran (CEGVA): Martí Alonso (14 ans) e Sara Monteagudo (13 ans) participaràn en seminari de parelhes de dança organizat pera International Skating Union (ISU) qu’aurà lòc en Torun (Polònia) deth 13 ath 19 d’agost.

Era parelha viatjarà a Polònia amassa damb ua auta parelha de Madrid e es entrenadores Celia Robledo e Laura Fernández, en tot formar er equip Espanhòu.

Martí e Sara an estat rebudi peth vicesindic d’Aran e conselhèr d’Espòrts, Luís Carlos Medina, e pera conselhèra de Torisme e Desvolopament Econòmic, Anna Díaz que les an desirat fòrça sòrt ena trajectòria esportiua que les demore.

Aguest ei un seminari de desvolopament de dança entà entrenadors e es sues parelhes ara fin de mielhorar era tecnica de dança sus gèu e arténher un nivèu superior.

Eth seminari a ua capacitat limitada a 24 parelhes e 20 entrenadors de tota Euròpa e a era finalitat de potenciar era dança en païsi qu’an poca activitat d’aguesta modalitat.

Complementaràn er ampli trebalh sus gèu damb classes de teatre, ballet, jazz, relaxacion, iòga, etc…toti damb entrenadors deth mès naut nivèu mondiau.

Era equipa tecnica dera ISU dejà a donat mòstres dera grana illusion que les hè qu’enguan Espanha pogue participar en aguest seminari.

Vielha, 10 d’agost de 2018

Conselh Generau d’Aran: Núria Sanjuan