Eth joen, Jaime M. Castet, met musica as poèmes de Jèp de Montoya
Se presenten dues naues composicions musicaus araneses
Era formacion musicau aranesa, Es Paums, aufrirà un concèrt ena Audiovisuau de Vielha aguest dissabte, 18 d’octobre, entàs 19h30.
En concèrt se presentaràn dus naui tèmes musicaus deth compositor aranés Castèth (Jaime M. Castet), sus dus poèmes de Jèp de Montoya: Net de huec e Hilh.
Castèth, comence eth projècte de musicar as poètes aranesi e occitans, entà pr’amor de preservar e difóner eth patrimòni culturau dera Val d’Aran.
En concèrt s’aufrirà un arrepertòri de musica tradicionau e populara aranesa, de produccion pròpria e de versions d’auti grops aranesi coma Bramatopin o Sarabat.
Es components d’Es Paums son: Joan de Çò de Joan de Jaime, Tonhò de Çò de Lúcia, Joan Masana de Çò de Lúcia, Jusèp d’Artesa, Loïs de Manhanet e Titi de Sanlucar.
Eth concèrt, d’entrada gratuïta, ei patrocinat peth Conselh Generau d’Aran, era Deputacion de Lleida, er Institut d’Estudis Ilerdencs e er Ajuntament de Vielha-Mijaran.