Atau e coma ja s’a vengut informant pendent es darrèri mesi, er Espitau Val d’Aran a amiat a tèrme pròves serologiques a diuèrsi pacients que, jos eth critèri mercat pes professionaus sanitaris aueren simptòmes compatibles damb eth COVID-19 temps endarrèr, entà conéisher eth sòn nivèu d’immunitat deuant deth virus. Aguesti casi positius corresponen a pacients qu’en sòn moment presentauen simptomatologia lhèu mès que, segontes es protocòls vigents alavetz, non èren susceptibles de realizar-les ua pròva PCR.

Atau donc, eth numèro acumulat de casi positius en Aran der inici dera pandemia ençà ei actuaument de 233 casi, des quaus 135 an estat detectadi a trauès de pròves PCR, qu’indiquen s’era persona ei contagiada, e 98 a trauès de pròves serologiques, qu’indiquen s’era persona a passat era malautia e a creat anticòssi.