Es dies 21, 22 e 23 de març se disputèren enes estacions de Baqueira e d’Espot, es Campionats d’Espanha d’esquí aupin des categories U14/16. Aguesti campionats èren, ath delà, puntuables entara darrèra fasa dera Copa Espanha Audi tant en classament individuau coma per clubs.

Dejà hè diuèrses sasons es Campionats d’Espanha se celèbren en tres fases. Atau es corredors somen punts en foncion deth sòn classament en cada carrèra e es que mès punts an artenhut dempús dera darrèra fasa se proclamen de campions dera Copa Espanha. Era nauetat d’aguesta sason ei que tanben s’a amiat a tèrme un classament per clubs a on eth CAEI a estat eth guanhador.

Sense dobte era corredora deth CAEI que melhors resultats a artenhut en aguesti campionats a estat Pat Miquel, pr’amor que s’a impausat eth totes es disciplines ath delà de proclamar-se guanhadora deth circuit. Mès açò non desmerite per arren es resultats dera rèsta des sòns companhs d’equipa, tant es qu’an pujat ath podium coma es que non, ja sigue en aguesta competicion o ath long dera sason.

Tanpòc mos podem desbrembar des integrants dera equipa que non poderen anar ad aguesta “cita” esportiua per lesion, mès que tanben an ajudat a hèr qu’açò siguesse possible damb es sòns resultats ath long dera sason.

Resultats des corredors deth CAEI:

Pat Miquel (U16): 1a en SG, 1a en GS, 1a en SL e 1a ena Combinada
Octavi Aris (U14): 1èr en SG

Resultats deth CAEI en circuit Copa Espanha:

U16 Dames:
1a PAT MIQUEL
2a CARMELA OLMO

U16 Òmes:
2au DAVID ESEVERRI

U14 Òmes:
1èr TOMY MARCET
2au OCTAVI ARIS
3au SAMUEL BESO

Clubs:
1èr CAEI
2au GRANUEC
3au FORMIGAL

Vielha, 29 de març de 2016

Conselh Generau d’Aran: Núria Sanjuan

Hònt: CAEI