• Aguesta pròva ère era prumèra puntuable entara Liga Catalana e tanben servie entà classificar-se tara 1a dera Copa Espanha, que se celebrarà aguesta dimenjada en Sierra Nevada.
• Eth CAEI a artenhut classificar a 11 corredors des 44 catalans.
Era equipa U16 deth Club Aranés d’Espòrts d’Iuèrn (CAEI) obtenguec boni resultats era dimenjada passada en GP CANM celebrat en Pas de la Casa (Andòrra).
Era grana triomfadora siguec Jana Suau, que tot e èster eth prumèr an s’imposèc en Gigant deth dissabte 7 de gèr e en Eslalom deth dimenge 8 de gèr. Tanben per part dera equipa femenina, Ana Vidaor, anaue 4au ena prumèra manja deth Gigant mès ena dusau manja cometec un error e non podec finalizar. Eth dimenge, finalizèc 7au en Eslalom.
Pera sua banda, era equipa masculina se mostrèc solid coma un blòc, 5 des 11 prumèrs sigueren deth CAEI en GS deth dissabte damb Lluís Relat, 4au. Eth dimenge, David Eseverri, tanben obtenguec era 4au plaça seguit de Lluís Relat, 5au. Eth gran dominador dera dimenjada siguec er italian de La Molina Club d’Espòrts (LMCE), Jordi Triulzi.
Aguesta pròva ère era prumèra puntuable entara Liga Catalana e tanben servie entà classificar-se tara 1a dera Copa Espanha, que se celebrarà aguesta dimenjada en Sierra Nevada. Eth CAEI a artenhut classificar a 11 corredors des 44 catalans.
Vielha, 12 de gèr de 2017
Conselh Generau d’Aran: Núria Sanjuan
Hònt e fotos: CAEI