Vielha, 22 de junh de 2018.- Un grop de 57 persones dera Associacion de Volontaris de “La Caixa” an visitat era Val d’Aran e eth Conselh Generau d’Aran.

Es Volontaris de “La Caixa” damb eth sòn president Francesc Casas, assistiren a ua conferéncia sus era istòria, era identitat e es realitats politiques e sociaus araneses e deth pròpri Conselh Generau, per part de Jèp de Montoya, assessor en tèmes culturaus e d’auviatge deth Conselh Generau d’Aran.

Era Associacion de Volontaris de “La Caixa” comencèc era sua marcha en 2005. Hèn part trabalhadors e jubilats dera entitat, atau coma familhaus, amics e clients que participen en desparières activitats solidàries. A dia d’aué son mès de 10.000 volontaris.

Es volontaris de “La Caixa”, de manèra altruïsta e solidària, centren eth sòn prètzhèt en desparières causes sociaus e culturaus e proporcionen era ajuda de besonh as collectius mès vulnerables.