Aué dimenge, dia 19, se celèbre eth Dia contra eth càncer de popa. Damb aguest motiu, era Junta Locau dera AECC d’Aran a organizat ua caminada contra eth càncer de popa que s’a desvolopat peth municipi de Vielha e a on an partcipat 350 persones.
Damb aguest tipe d’acte se mobilize ara societat ena luta contra eth càncer de popa e per un aute costat, se capten hons entà auançar ena investigacion entà hèr-li tèsta. Tanben, s’aufrís informacion multidisciplinària sus aguesta malautia, damb enfasi e difusion des programes e servicis qu’era AECC met ara disposicion des persones afectades e a familhars.
En Espanha, cada an, 22.000 persones son diagnosticades de càncer de popa, lèu totes eres son hemnes, ei significativa era donada: 1 de cada 8 hemnes aurà càncer de popa ath long dera sua vida.
