Un còp acabada era redaccion des memòries istoricoartistiques e arquitectoniques des glèises de St. Andrèu de Salardú e dera Mair de Diu dera Purificacion de Bossòst e dempús d’auer recebut aguestes, respectivament, es preceptius informes favorables der Institut d’Estudis Catalans e deth Conselh Assessor deth Patrimòni Culturau Catalan, eth Conselh Generau d’Aran en tot hèr us per prumèr còp dera potestat que li conferís era Lei 9/1993, de 30 de seteme, deth Patrimòni Culturau Catalan, procedirà ara instruccion d’andús expedients administratius entà arténher dera Generalitat de Catalonha er acòrd de declaracion.

Parallèlament se trebalhe tanben ena redaccion des memòries istoricoartistiques e arquitectoniques des glèises de Sta. Eulària d’Unha e de Sta. Maria de Cap d’Aran e sus era delimitacion des entorns de proteccion des dus monuments e tanben dera glèisa de Sta. Maria d’Arties, era quau, maugrat que des de 1976 gaudís dera declaracion de Ben Culturau d’Interès Nacionau, non dispause d’un entorn de proteccion.

Glèisa de St. Andrèu de Salardú