Un an mès, pendent era tardor se celèbre ua naua edicion dera Mòstra Gastronomica dera Codina Aranesa, damb era participacion de ueit restaurants deth territòri, qu’aufriràn as sòns clients desparièrs menus qu’includissen plats tipics dera Val d’Aran. Enguan, era Mòstra aurà lòc deth 22 de seteme ath 19 d’octobre.

Entad aguesta escasença, es restaurants participaires seràn: Deth 22 ath 28 de seteme, Era Coquèla (Vielha) e eth Parador de Vielha. Deth 29 de seteme ath 5 d’octobre, Era Lucana (Vielha ) e Unhòla (Bagergue). Deth 6 ath 12 d’octobre, Casa Antonio e Era Mòla de Vielha. E barraràn eth cicle, deth 13 ath 19 d’octobre, Ei Pletieus (Escunhau) e eth Parador d’Arties.

Ath long des quate setmanes que dure era Mòstra, se poderàn degustar plats damb recèptes innovadores, enes que se codinaràn productes tradicionaus dera codina aranesa coma: Òlha aranesa, Civet de Sanglier, creps, esturion, langoïssa e lit entre d’auti.

«Des deth Conselh Generau d’Aran apostam per celebrar cada an era Mòstra Gastronomica dera Codina Aranesa, pr’amor qu’ei era melhora manèra qu’auem de mostrar ara gent un des elements mès importants dera cultura aranesa, coma ei era gastronomia», comente era conselhèra de torisme, comèrç e consum, Anna Diaz.

Es prètzi des menus que formen part d’aguest eveniment gastronomic, oscillen entre es 29 e es 35€. Es menus se serviràn es sèt dies dera setmana, en servici de minjar e sopar.