Se comunique qu’en basa as previsions meteorologiques emetudes peth Servici Meteorologic de Catalunya e as afectacions que se preve que se ne poguen derivar, se manten eth Plan especiau d’emergéncies per inondacions en Catalunya (INUNCAT) ena fasa de Prealerta.

Eth Servici Meteorologic de Catalunya informe d’un episòdi de ploges entà deman dijaus, 3 d’abriu que s’inície peth sud de Catalunya e ath long deth dia s’estenerà ara rèsta deth territòri.

Per intensitat de ploja afectarà practicaments tot eth territòri, a excepcion deth quadrant nòrd-oèst de Catalunya. Es precipitacions anaràn acompanhades localaments de calamarsa e tempèsta. E per acumulacion de ploja afectarà enes comarques deth nòrd de Catalunya. Toti dus fenomèns an ua distribucion geografica laguens dera zòna avertida de caractèr locau (afectacion a mens de 30% deth territòri avertit).

Degut ad aguest episòdi de ploges e es temperatures se pòt produsir eth desglaç dera nhèu, hèt que pòt comportar auments en es cabaus des arrius sustot ena Val d’Aran e ara conca nauta deth Pallars Sobirà.

Era prevision de precipitacion ena Val d’Aran entà deman dijaus, dia 3 d’abriu, pòt èster de 60 l/m2 per dejós dera còta 1900m de nautada.

S’a activat eth Plan d’Informacion entà toti es municipis d’Aran a traves deth tecnic de Proteccion Civiu deth Conselh Generau d’Aran.