Exterior de Sant Blai

Era petita glèisa de Sant Blai la traparam darrèr d’Era Baronia, ua bastenda nòbla deth sègle XVII, en pòble de Les. Es sues redusides mides, qu’includissen un espaci absidiau de forma semicirculara, semblen indicar qu’era actuau capèla, en sòn moment capdau, formaue part dera cabeçada d’ua bastenda mès grana o ben eth resultat d’ua reconstruccion d’ua antica bastenda, hèta a compdar des sòns elements originaus.

Tot a fèt, eth mur de cogant – o mur tester- que se daurís a compdar d’un arc de miei punt, accedís en amplada ath còs dera capèla, çò que hè a pensar que dilhèu era bastenda contunhaue damb ua amplia nau que siguec esbaussada en un moment indeterminat, o ben pr’amor dera accion der òme o a conseqüéncia d’un damatge naturau. Tanben, era preséncia de quate balestières sense ua aparenta foncionalitat an amiat a pensar ena possibla existéncia d’ua cripta.

Atau donques, aguesta bastenda, datada deth sègle XII, presente un aspècte fòrça curiós, que plantege interrogants de mau resòlver aué en dia en relacion ara sua estructura arquitectonica e as sues foncions originàries.