Frut deth convèni entre Conselh Generau d’Aran, departament de Politica Territoriau e Òbres Publiques (PTOP), Entitat Menor Descentralizada de Tredòs e Bisbat d’Urgell ei un projècte entara reproduccion virtuau des pintures romaniques deth sègle XII dera glèisa de Santa Maria de Cap d’Aran, que sigueren expoliades pendent ena postguèrra e en part, ara exposades en Metropolitan Museum de Naua York, damb ua inversion de més de 60.000èuros.

Es imatges que se projectaran damb nauta resolucion en un des lateraus deth temple, damb era possibilitat de projectar-les en un futur en absis d’a on provenguien. Entad açò, eth Conselh Generau a encomanat ara Universitat Politecnica de Catalonha (UPC) eth projècte entrara reproduccion der ensem des pintures, que decoraue er absis e eth presbitèri. Ena vòuta dera absida se i representaue era escèna principau dera Mair de Diu en Majestat e eth Mainatge, flanquejada pes arcàngels Sant Gabrièl e Sant Miquèu e dera Adoracion des Reis. Completauen er ensem un Pantrocrator, er Esperit Sant jos forma de colomba e diuersi sants e apostols.