Des deth passat mes de març era emblematica imatge romanica deth Crist de Mijaran, sauvada ena glèisa de Sant Miquèu de Vielha, gaudís d’un nau sistema expositiu.

Eth Conselh Generau d’Aran en collaboracion tamb era parroquia, ena sua preocupacion entà conservar e méter en valor que le correspon ua òbra de tan nauta significacion artística, encarguec eth dessenh e produccion deth projècte a ua empresa especializada en projèctes e servicis tecnics entà musèus.

Era naua presentacion, frut d’un trabalh interdesciplinari dignifique e afavorís era comprension dera pèça e era sua integracion laguens d’un espaci de culte en tot garantir ath madeish temps era sua preservación.

Ua naua urna estanca, dotada de diuersi dispositius de seguretat e de contròtle climatic, constituís er element centrau dera capèla laterau a on ei plaçat eth Crist, en tot protegir era pèça des condicions medioambientaus extèrnes , adocint era temperatura, estabilizant era umetat, e filtrant es radiacions ultraviolades nociues entara magnifica policromía originària qu’era imatge a conservat.

D’auta part, tamb era volontat de perméter era perfècta visualizacion dera òbra, era veirina incorpòre ua nauèra tecnología d’illominacion integrada per leds.

Dus plafons explicatius permeten de manera grafica e escrita apropar e dar a conéisher era significación artistica e istorica deth Crist de Mijaran, òbra capdau deth nomentat mèstre d’Erill.

Era naue presentacion se complete tamb era illominacion tamben mejançant leds des pintures deth s. XVII qu’en tot representar scènes dera vida de Crist decòren era vòuta dera ponina capèla.

Era actuacion qu’a supausat un còst d’aproximadament 25.000€ s’enquadre laguens deth programa Interreg IIIA, França-Espanha, Camins Pirenencs der Art Romanic