Es representants aranesi dera Associacion de Discapacitats dera Val d’Aran (ADDA) artenheren 5 aurs, 5 argents e 3 bronzes

Es Jòcs Special Olympics son er eveniment esportiu mès important entàs persones damb discapacitat intellectual

Eth conselhèr de Salut e Benestar d’Aran, Eduardo Valdecantos, a arrecebut ara delegacion aranesa representada pera Associacion de Discapacitats dera Val d’Aran (ADDA) qu’obtenguec 13 medalhes (5 aurs, 5 argents e 3 bronzes) enes Jòcs Special Olympics Barcelona- Calella, celebradi era passada dimenjada.

Es participants aranesi s’an mostrat fòrça satisfèts damb es resultats donques que i auien mès de 1.600 atletes damb discapacitat intellectual procedenti de Catalonha, dera rèsta d’Espanha e de diferenti païsi estrangèrs.

“Arregraïm er esfòrç d’aguestes persones e les place en lòc a on se meriten laguens dera societat” a manifestat Eduardo Valdecantos, conselhèr de Salut e Benéster deth Conselh Generau d’Aran.