Eth passat deluns, 28 de hereuèr, se hèren publiques es 7 fotografies guanhadores dera prumèra edicion deth Concors Fotografic Comarcau «Es melhors experiéncies Ruraus peth Pirenèu e Prepirenèu de Lhèida».

En cas dera Val d’Aran, se presentèren un totau de 22 fotografies, totes eres de grana qualitat e que mostrauen ara perfeccion eth nòste territòri.

Un jurat expèrt a declarat guanhadora a @a_beteta pera sua imatge postau der iuèrn que toti voleríem víuer en polit pòble de Tredòs. Coma prèmi, s’autrejarà un diner entà quate persones en Restaurant Refu Birreria de Vielha.

Concors fotografic organizat en marc deth Projècte EPIREMED

Aguest concors fotografic s’a organizat en marc deth Projècte Transtermièr EPIREMED, que compde damb eth supòrt deth Programa Interreg V-POCTEFA.

Eth projècte a estat cofinançat ath 65% per Hons Europèu de Desvolopament Regionau (FEDER) a trauès deth Programa Interreg V-A Espanha-Fraça-Andòrra (POCTEFA 2014-2020). Er objectiu deth POCTEFA ei enfortir era integracion economica e sociau dera zòna transtermièra Espanha-França-Andorra. Era sua ajuda se concentre en desvolopament d’activitats economiques, sociaus e mieiambientaus transtermières a trauès d’estratégies conjuntes a favor deth desvolopmanet territoriau sostenible.