• Eth Dr. Alfredo Galán hèc ua àmplia aportacion sus aguest ahèr ena compareishença dauant dera Ponéncia Conjunta en tramit de redaccion dera Naua Lei d’Aran

Agèr, dia 2 de març, eth catedratic de Dret Administratiu, Alfredo Galán, dèc ua conferéncia ena sedença deth Conselh Generau d’Aran sus era possibla afectacion qu’era LARSAL (Ley de Racionalización y Sostenibilidad de la Administración Local) pogue auer a compdar deth mes de junh que ven sus era capacitat der exercici der autogovèrn deth Conselh Generau d’Aran.

Barrera, soslinhèc “Alfredo Galán, pendent era sua compareishença en Parlament dauant dera Ponéncia Conjunta en tramit de redaccion dera Naua Lei d’Aran, aportèc ua vision fòrça clara deth dret deth Conselh Generau d’Aran ena Administracion Publica. Damb era conferéncia volem qu’era gent d’Aran age un major coneishement sus era LARSAL e coma mos pòt afectar en nòste territòri.”